主潤翔的無舖墊短文存放區，算不上文章，只因主要只有對白及部份反應或場口，可算是腦洞存放區。由不負責任的翔右愛好者主理，不喜勿噴！謝謝！
誰動了我的金針？（主JS, 副相二）（粵語版）
【靈感來源】: 某天在WB上有人說打金針一詞打成了金針菇
＊＊＊＊＊＊＊＊＊＊＊＊
大野剛拍完無門桑：喂！你哋邊個搞過我嗰袋嚟？
櫻井：我冇呀，我睇緊報紙。
相葉：我食緊嘢。
二宮：遊戲比你個袋好玩，所以唔係我
松本：更加唔係我，無啦啦搞你個袋做乜？
大野：我係講上次呀！你哋講，係邊個？
櫻井：上次？我冇呀，我一向唔搞你哋d嘢，尼桑你都知㗎，就算借潤唇膏我都會問過你先
二宮：我先唔得閒搞你d嘢
大野：咪住！Nino係咪你！上次我記得我拍完無門返嚟排舞，相葉松潤兩個未返我就己經走咗，得你同翔君喺度，翔君唔會呃我嘅，咁一定係你！你知你跑火車跑到上太空㗎啦！若果只能夠喺你同翔君裡邊揀，我先唔揀信你！
二宮：你邊隻眼見到我搞先？
大野：咁...咁又無...不過...咁點解釋我個袋入面嘅金針變哂金針菇先得㗎？
櫻井／相葉／二宮／松本：吓？
大野：我今日拍戲，有一幕係我要喺個袋入面拎D金針出嚟嘅，上次我趕住走就拎埋個道具袋走，所以入面有部份道具，其中之一就係D金針，點知今日D金針竟然俾人調包，搞到我笑料百出。roll機嗰時好型咁講咗句：「等我攞d金針出嚟封住佢穴道先！」點知跟住就「 E？ 點解變哂金針菇㗎？」
櫻井：哈哈！哈哈哈！哈哈哈哈哈！
相葉：嘻嘻嘻嘻嘻嘻嘻嘻嘻嘻，リーダー你可以去做搞笑藝人呢！
松本：リーダー你...拍劇前冇睇一次咩？咁樣成個進度會拖延...
櫻井：哈哈哈哈，小潤你唔好咁話尼桑啦，佢不停釣魚都仲有時間背得晒d台詞已經好叻㗎喇。
相葉：係囉係囉，リーダー有電去拍戲已經好好。
大野：喂！我有好好做好個人工作㗎！平時有你哋喺度，我駛乜出力啫……
二宮：你d金針變晒做金針菇，咁關我咩事？可能道具放錯或者其他，總之我就無搞你個袋！
大野：但係我完全搵唔到合理原因去解譯呢件事，佢無理由好似忍者咁自己變身㗎嘛，所以肯定係人為！雖然我認我無CHECK過袋，但道具組交俾我嗰時嘅check list已剔齊所有嘢，所以金針被換肯定喺呢到發生嘅！
松本：有無咁肯定呀？
大野：肯定！嗰日唔記得放低個袋，喺片場攞個袋過嚟之後只係放喺樂屋，排完舞就再攞返去。途中我無去過第二度，亦無其他人掂過，我拎返片場之後就一直放係道具室無人掂過。唔通你地話有其他人無啦啦走入嚟我哋樂屋喇喎！呢度保安一向好好，邊有可能發生D咁嘅事？有嘅我哋D私隱一早通哂天啦！我哋幾個D嘢成日都隨便放㗎啦，大家要掂到有幾出奇？
櫻井：諗返起我記得你個袋嗰日係跌過落地，而且係Nino幫你執返起，但係……
大野：哦！Nino！翔君証明你有掂過喇！
櫻井：但係Nino偷嚟做乜先得㗎？唔通佢拎去賣咩？
二宮：講咩丫！好心着雷劈，諗住見你個袋跌咗幫你執返，點都估唔到而家會俾屈換咗你D針嘅。大野先生，用下腦都知，就算我偷得到，都無可能變出d金針菇放返落去吧！
相葉：咦！唔係啵，我記得果日我朝早經過超級市場，見到d金針菇好靚，諗住夜晚同Nino打邊爐加餸，所以買咗幾包返來放咗喺排舞室個雪櫃度，走果時諗住攞返走，點知就唔見咗包...
二宮：喂！相葉雅紀你唔好咁過份喎！你嘅意思即係我做喇喎！我個人雖然鍾意錢，但我仲好潔身自愛嘅，點都唔會做埋偷嘢d犯法嘢！
相葉：但我包金針菇真係唔見咗嘛……
櫻井：（小聲）等等……兩位……
二宮：相葉雅紀你覺得我會咁做，信唔信我而家就返去搬走哂你d嘢去變賣丫喇？
相葉：我都無話係你做，只不過咁岩你話點變出嚟，我先醒起……
櫻井：唔好意思呀……兩位……
二宮：你咁同搵証據出嚟指証我有咩分別啫？
相葉：我……我無d咁嘅意思……
櫻井：兩位……
二宮：我估唔到同你一齊咁耐你會咁諗我嘅！
櫻井：（大聲）咪嘈！
相葉／二宮：…………
櫻井（嘆一口氣）：等一陣俾我講句嘢都唔得嘅，你兩個一嗌交就無人插到咀嘅……激死我喇……
松本：翔君唔好勞氣，等我幫你講，嗰包金針菇係我叫翔君拎走嘅
大野／相葉／二宮：誒？
松本：因為嗰晚翔君想食壽喜燒，咁岩超巿無哂，我又記得相葉放咗幾包喺雪櫃，我咪叫翔君攞住一包去先囉，反正仲有，我有send msg話相葉知㗎！
相葉：吓！有d咁的事！？點解我收唔到信息㗎？
二宮：你梗係收唔到，你部手機跌咗落水你唔記得咩！哼！
相葉：係啵！！我部手機壞...nino！！！！！ 對唔住！！！！我！我我😭😭😭
二宮：你睇你，人哋講哂你知又話人哋無講，自己唔見咗包嘢又話我換咗，你諗吓你咁鍾意食呀，我明知夜晚打邊爐都唔會換咗去搞到你食少咗㗎啦，我邊度係咁無良心先得㗎！不過而家咁睇，無良心嗰個唔係我，係你囉！哼！
相葉：唔係呀唔係呀！我！我唔係有心㗎！我只係諗起就直接講咗出嚟咋。nino！ 你唔好嬲我啦😭😭😭我真係唔係有心㗎😭😭嗚...翔醬~幫下我...
櫻井：唉...次次都係咁，係要搞到我出去幫你嘅....
櫻井：Nino呀，你都唔係唔知佢㗎啦，口直心快，成日都講錯嘢，咁佢都係記起個日咁岩唔見咗包嘢先咁講，佢都無將唔見嘢同你換咗嘢拉埋嚟講。又或者咁講，佢都未咁快將兩件事串連得埋一齊，所以佢肯定係無心嘅，你就咪怪佢啦～
松本：你再唔原諒佢，佢有排喊㗎喇
二宮：車...有咩事就只係識搵翔桑同J幫你，你呀，唔好每次都諗到咩就講咩得唔得啫？喺呢度得我哋五個人就冇所謂啫，出到去咁講，我真係會比人拉㗎！你知唔知㗎？
相葉：我知道，我知道錯，咩都係我錯，你一直都岩，你講嘅嘢都岩，我聽哂你講好唔好？
二宮：哎呀，你咪一嚟就咁肉麻先得㗎！
相葉：只要你唔嬲我，你話咩～咪咩囉～～～
松本／櫻井：......
大野：喂！唔好放閃住，我d金針點算呀？
櫻井：係喎，唔係我，唔係Nino，咁係邊個呀？
(咯咯)
松本：有人？
（開門見到：🙇🏻）
🙎🏻♂：松本君，你好，我想搵大野君....
松本：佢喺入面，你入嚟啦
🙎🏻♂：大野君...
大野：竹木一桑？你搵我有事？
🙎🏻♂：係呀... (鞠躬) 大野君，請接受我嘅道歉！🙇🏻
大野：（驚）竹木一桑你先起身，發生咗咩事？
🙎🏻♂：其實今日連累大野君你出醜嘅係我
櫻井／相葉／二宮／松本：你？
二宮：包金針係你換嘅？
🙎🏻♂：二宮桑，正確Ｄ嚟講，係從來都無金針嘅出現～
全員：吓？
🙎🏻♂：係我打道具紙嘅時候分咗神，要買金針我打咗金針菇，搞到負責採購嘅同事買錯嘢，佢哋又無留意，以為CheckList嘅金針就係指金針菇，最後搞出今日咁嘅誤會...
大野：呀．．．呀．．．原來係咁呀...咁都無法啦，下次小心Ｄ係啦
🙎🏻♂：你唔怪我？
大野：你都唔係有心嘅，我怪你做乜？不過下次小心Ｄ呀！
二宮：係呀，小心Ｄ呀唔好再打錯，下次將八掛打咗八爪魚就大件事喇～
🙎🏻♂：唔會...下次肯定唔會...我會小心㗎喇~咁... 我先告辭喇...
（關門）
大野：太好啦，終於知道係邊個搞出來啦，咁我就去...
二宮：咪住！大叔，你係唔係有D嘢要同我講？
大野：講？要講咩呀？
二宮：你頭先一口咬定係我偷咗你D金針，而家知道唔係我偷，你係唔係要向我道歉同補償？
櫻井／相葉／松本：補償.................！？！？
大野：對唔住nino, 係我誤會咗你，我同你道歉
二宮：喂喂喂，你聽唔到呀？道歉同……補……償……呀！
大野：(loading………)
二宮：喂！大叔！你反射弧返來未呀！！！
櫻井：嗯...應該仲有大約十分鐘。
相葉：哈哈，翔醬，我覺得起碼要半個鐘喎！
松本：唔係唔係，仲有大半日。
二宮：喂！大叔！！！！！
大野（電話響）：呀！我出去接個電話先……
二宮：喂！
（開門走出去，關門)
（十分鐘後）
櫻井：尼桑傾電話傾咁耐，唔會有咩急事掛？
松本：會唔會係劇組呀？
相葉（食🍟）
櫻井：駛唔駛開門睇下佢呀？
松本：都好……
（開門）
大野：💤💤💤💤💤💤💤💤💤💤
櫻井：尼桑？！
松本：リーダー？！
相葉：咩事？
二宮：大叔！
大野：💤💤💤💤💤
二宮：你呢個大叔冇得救㗎啦！！！！！！！
END