潤翔家山風閒話

松本：翔君，你今晚想食咩？
櫻井：我今晚唔返來食啦，風磨約咗我。
松本：吓？等我仲諗住去買嘢煮餐好嘅你食添～做乜又見佢呀？啱啱先見完咋喎！我諗住你最快都Music Day先會再見到佢，做咩呀？J+慶應校友會聚會呀？
櫻井：佢啱啱先話想約我今晚食飯，佢話有啲嘢想問我意見，但嵐學期間又搵唔到時間問。校友會嗰度我推咗啦，Music Day啲資料我都未整理好。
松本：咩話？你哋兩個真係搞咗個J+慶應校友會？會員除咗你哋仲有人呢咩？你哋搞咩小圈子做咩唔話我知？佢有咩意見要咁急問呀？啱啱先做完場SHOW邊個都應該攰啦，更何況你仲拍緊電視劇㗎，而且你啱啱先話Music Day嘅資料都未整理哂，佢點做迷弟㗎？迷弟唔係應該體諒偶像辛苦而盡量唔打擾佢嘅咩？佢咁做係迷弟失格！
櫻井：我冇話我哋二個搞咗個校友會，係我以前d朋友搞嘅，都唔關佢事。佢話驚自己做助手做得唔好想問吓我意見，小潤你唔好咁嬲先，我保證好快返，而且都係喺呢邊，唔會去好遠。
松本：咁……咁我同你一齊去啦，反正我都要食飯。既然喺附近，我又要去接你嘅話，倒不如直接同你一齊去。
櫻井：可以係可以，不過你唔怕悶？
二宮：喔，我唔應該咁早過來。 
相葉：點解呀？Nino~
二宮：又要幫電器做免費代言……
大野：咩代言……？
二宮：💡（電燈膽）
櫻井：Nino…你同相葉平時都放唔少閃啦，而且我只係同小潤佢傾緊一陣去食飯啲事之嘛…
相葉：食飯？翔醬諗住去邊度食？我又去！
大野：我都去！
櫻井：er……咁好似唔係幾好喎……
相葉：有咩唔好啫，我哋成日都幾個一齊去食嘢㗎啦～哦！翔醬你嫌我哋阻住你哋撐枱腳係咪？
櫻井：唔係，只不過今次風磨都喺度，好似唔太適合……
二宮：哦😏唔怪得啦！J，你真係小心眼。
相葉：唉？咩呀？咩小心眼呀？Nino你快D話我知啦！
大野：風磨點解會去呀？
櫻井：係風磨約我先嘅……點知……小潤又話要跟住去喎……
松本：我……！
二宮：做咩呀J～你唔放心翔桑一個人去呀？你怕佢被迷弟釣咗去？😏
大野／相葉：釣咗去？
大野：風磨識釣魚咩？
相葉：翔醬，你唔係約佢去食飯咩？點解變咗去釣魚？
二宮：我突然…好想去靜靜……
松本：Nino你講埋d咁隱晦嘅比喻就預咗有機會有咁嘅反應㗎啦！唉……我唔係怕咩，只係諗住既然風磨都係想問前輩嘢，咁我陪翔君去咪多個前輩幫佢，答佢囉，我都係想幫翔君分擔下咋。佢近排忙到鬼咁攰，仲要俾相葉既企劃喺三場嵐學度係咁體力勞動，我怕捱壞佢咋。你哋都知佢㗎啦，有咩事都死頂嘅，邊會話俾人知佢辛苦先得㗎，咁我擔心佢都好正常嘅，自擔自已擔心嘛！
二宮／相葉／大野：係……世界第一紅擔……………………………………
櫻井：你哋…到底有冇當我存在㗎…我幾時有死頂啫？我有好好分配工作㗎！只係有時太專心唔識停之嘛…而且…而且我只係去食個飯，每個人都要食飯㗎啦！點解講到好似我要去做d咩辛苦工作咁喎….
二宮：係！每個人都要食飯，每個人都要便便……
櫻井：Nino…😞
大野：好啦好啦翔君，松潤佢講得係有d誇張，因為有前科，所以有時放慢一下係要㗎。
櫻井：尼桑……
大野：乖乖，尼桑抱抱，乖。
松本：喂！
大野：嗯？松潤咩事？
松本：你過黎～
大野：咩事？
松本：無，想你企喺我隔離啫……
二宮：大叔…你到底識唔識讀空氣㗎？唉….
大野：咩呀？空氣睇到㗎咩？（轉向相葉
相葉：我唔知呀，可能要加d顏色？
二宮：阿！！！！！我想死呀！！！
相葉：Nino你唔好掉低我呀！
二宮：你走開！唔好痴埋嚟！
櫻井：小潤，我諗我哋要搵人代言太陽眼鏡喇！
松本：唔駛丫，我大把……
二宮：你哋倆個唔好喺度講風涼話！快d幫我拎走呢隻大笨兔！
相葉：Nino😭😭😭😭你唔好掉低我呀！！！嗚嗚嗚….我唔可以冇咗你㗎！！！！
松本：嘩！大佬……Nino你頭先識話我哋，你哋仲閃過核爆呀！
櫻井：噗！核爆😂😂😂😂😂😂😂😂
大野：感情真好呢。
二宮：咩核爆呀！根本係笨蛋佢死痴住我咋！翔桑你唔好笑住，快d來幫我啦！仲有呀大叔，無啦啦講咩感情真好呀！
相葉：鳴鳴鳴…Nino…
松本：哎呀，等我嚟喇，相葉你就放開Nino先啦，佢邊可能走咗去先得㗎，佢部遊戲機一日仲喺你屋企，佢個人都會喺你屋企㗎啦，你驚咩啫？
相葉：真嘅？咁…好啦。
二宮：痛死我啦笨蛋！下次再係咁你就返去千葉住！講返正題，翔桑你唔係要去食飯㗎咩？咁休閒喺度真係冇問題？
櫻井：差唔多時間㗎喇，等風磨陣間過黎搵我㗎咋。
松本：又一迷弟失格，點可能要偶像等㗎！
櫻井：你咪成日搵你自己同人比啦好唔好？
松本：咁呢d係身為紅擔嘅自覺嚟㗎嘛！
櫻井：咁你係唔係想我好似對一般紅擔咁對你丫？
松本：唔得！我係世界第一紅擔！我同一般嘅邊有得比！
櫻井：咁你都識講你同佢哋冇得比啦，咁點解你又要同風磨比？
松本：因為…因為佢要翔君你等佢就唔得！
櫻井：難道你就無要我等過？
松本：咁係因為…係因為我國交通嘅錯！！
櫻井：所以總會有難以控制嘅事呢！咁你又點可以怪風磨呢？
松本：我只係…
二宮：你只係擔心翔桑被搶走，所以先一直阻止佢哋單獨一齊。
相葉：Nino你點解咁肯定？
二宮：盲嘅都睇得出啦！風磨咁崇拜翔桑，照計嵐學將佢分俾翔桑做助手係最好嘅配對，但偏偏J就將勝利分咗俾翔桑，你話有何居心啦？　
松本：我…………我只係將Sexy Zone嗰邊最可靠嘅分配俾我哋最唔可靠嘅做助手之嘛……
相葉：唉？咁即係……
大野：相葉，松潤講個個好似係你
相葉：唉！！！！！我邊係！！！！明明我很可靠！如果唔係Nino都唔會肯同我一齊啦！！！
二宮：笨蛋！你同我收聲！
大野／櫻井／松本：好閃….
二宮：你可靠就唔會喺我生日都搞到我一仆一碌啦！明明你同J都應該最有能力扛我走，但你睇你！人家J托住我跑得幾輕鬆先得㗎😠
相葉：我！我想學リーダー公主抱！但係！但係抱抱吓又覺得咁樣表現唔夠突出，所以先至想換其他姿勢之嘛…
二宮：你仲講！你知唔知生寫出咗來之後我就唔想做人！
大野：嗯，生寫的確係好嘢嚟嘅，食飯嘅翔君都好型！
松本：你心痛你班黃擔好過啦，佢哋財布君今次要入ICU喇！
二宮：講起就激氣，明明嗰d生寫我哋一毫子都收唔到㗎嘛，班傻妹仲係咁課金，有錢不如買多兩張shop養我好過啦！
相葉：唔駛怕，有我養你😘
二宮：你夠喇！再唔停後果自負呀！
相葉：呀……呀……呀……！翔醬😭（走去投靠櫻井）
櫻井：（拍頭）相葉醬乖，你就聽話啦好唔好？Nino你就咪鬼對佢咁惡啦，生寫分到嗰丁點你又點會稀罕，都唔夠你買部switch，至於尼桑……（臉紅）食個飯啫，都無乜特別啫……
大野：唔係！翔君係最靚仔嘅！而且我仲入咗成套生寫，咁樣就可以無時刻咁見到翔君。話說我做緊嵐學果時，我都唔知幾羨慕勝利，我都好想做翔君助手呀😣😣😣
松本：睇嚟我唔止要對迷弟調教調教，迷兄都可以好變態……
櫻井：你講緊bussan？😏
二宮：要唔要我幫你講佢知？😬
松本：我真係四面楚歌呀…….
大野：松潤你點可以咁😣我只係太鍾意翔君之嘛，你又唔比翔君同我去釣魚，而且鍾意睇翔君食飯人都唔只我一個，啲飯都好鍾意，而且啱啱企係我後面嘅風磨都笑得好開心。
松本：佢梗係開心啦，翔君而家仲有幾何會喺公開場合講自己同邊個去食飯㗎？咪得佢囉！其他人都係N年先提一次，佢？次數有如天上繁星呀！
二宮：噗，原來有人對於舊年觀星嗰一幕仲係念念不忘。
松本：我！我先唔會，翔君都已經係我嘅，我洗咩要念念不忘？
櫻井：小潤你…（臉紅）唔好再講啦！！！
二宮：哦哦😏真係咩？咁好，就當你唔係，咁風磨約翔桑出去食飯都係出於仰慕姐，你又做咩咁大反應？
松本：邊個知仰慕會唔會培養出另類感情㗎？我係過來人，我好清楚！
相葉：全世界都知你呢個迷弟將偶像把到手啦！🤷🏻♂
松本：所以我先怕……😤
二宮：有人終於講出口喇😏
相葉：呵呵！原來情不自禁嘅唔止我一個……
二宮：其實你怕咩者，翔桑咁多仰慕者雖然好似好危險咁，但你都要睇下翔桑自己點諗先得㗎！
大野：係啦！我夠日日想粘住翔君啦。
二宮：係，講痴迷，呢位大叔對你家寶貝翔嘅痴迷程度並不輸俾風磨㗎，佢仲要係超級顏飯添！講真，你要驚都應該驚佢先，點會驚個迷弟先㗎。無事發生就因為翔君唔係咁諗之嘛，你諗下佢哋幾常見先得㗎，比起風磨簡直係小巫見大巫！
大野：係呀！我每個月，每星期，有時甚至每日都可以見到翔君，真係諗起都開心😍
松本：咁由而家開始，リーダー你禁止同翔君有身體接觸！禁止接近翔君嘅五十米範圍內！禁止同翔君去釣魚！
相葉：Nino…松潤好可怕呀😭😭
大野：吓！咁Music Station點算呀？しやがれ點算？Vs點算？我只係想見多翔君幾面啫！松潤你唔可以咁對我㗎！
櫻井：咪係……尼桑佢都無惡意嘅，你落d咁嘅禁令，大家點工作落去呀？更何況……我同你一齊唔代表我係你嘅擁有物，你咁樣禁止我身邊嘅人接近我，同管制我嘅交友圈有咩分別？你而家罷明就唔信我，係咪迫我自已主動接近佢哋丫？尼桑唔好喊，我聽日陪你去釣魚呀！哼！松本潤，你管得到我咩？
松本：我…唔係呀！我唔係唔信你呀！翔君！！！！！！我只係，我只係驚…因為你咁多追隨者…我真係好驚有一日你會離開我…
二宮：傻J你睇你家翔桑咁S都肯被你馴服就知佢唔會離開你啦，你要俾d信心佢先得㗎嘛……搞到而家咁有邊個想？你呷醋大家都理解，但不信任就好似有d過咗火喎，你自己話係唔成係……？
松本：我……我只係……唔可以無咗翔君嘛……從少開始翔君就係我心中嘅唯一，我想像唔到無咗佢係身邊嘅日子會點。而且見到翔君同其他人親親蜜蜜咁我又唔喺身邊，我怕佢唔識保護自己，蝕底哂咋😭
二宮：哎…所以先話你笨囉。翔桑係點嘅性格你唔係唔知？佢認定咗就唔會變，所以就算佢身邊咁多追隨者，你都仲係佢嘅最愛，你點解唔比多d信心自己？
相葉：係囉係囉！Nino講得好啱！
二宮：不過翔桑你有時又真係天然咗d，J佢會擔心都係正常嘅，不如咁啦，你哋就一人讓一步啦，相嗌唔好口呀。
櫻井：我幾時想同佢嘈者，係佢自己一直咬住唔放之嘛……
松本：我……都係擔心你啫
二宮：係囉，翔桑要知道你骨子裡嘅天然性格，天然因子一冒出，無人防避得到㗎，唔似呢兩隻，隨時要為佢哋嘅天然做好準備
櫻井：咁我都唔想…我會注意㗎喇…😞
松本：唔好咁唔開心啦，我咁做唔係想你唔開心㗎好唔好，你而家咁樣我好心痛㗎！（抱住）
櫻井：佢哋係到睇住㗎…唔好咁啦…（面紅）
大野／相葉：我又要抱！！！！
二宮：救命！又放閃！
松本：行開！幾時輪到你兩個抱！？
相葉／大野：Nino～松潤又兇我哋喇！
二宮：鬼叫你哋阻住人地咩？抵你哋死㗎！
櫻井：風磨傳信息比我喇，小潤你係唔係跟埋我嚟呀？
松本：係呀！我行得㗎啦。
相葉／大野：翔醬／翔君，我呢？
櫻井：你兩個去同Nino哥哥玩，乖！去！
二宮：喂！你哋就咁掉低兩隻天然俾我呀？
櫻井／松本：你都慣㗎啦～
大野：Nino陪我去食鮮魚大餐。
相葉：唔得！Nino要陪我去食中華料理！
大野：鮮魚餐！
相葉：中華料理！
二宮：搵人救我呀！！！！
（完）