潤翔家山風閒話

題目又名：《進不了的房間》
【靈感來源】: 某天6月19日NZ主播被學長調戲
（詳情請看結尾備註）

＊＊＊＊＊＊＊＊＊＊＊＊

松本：リーダー我發現翔君近排鎖咗房門唔俾我入房呀！話我夜返喎……😭

大野：…哦，咁松潤去配一條後備鎖匙就好喇…zZ

松本：我有……但我發現翔君換咗鎖！明明佢就唔識呢d嘢

大野：😪😪😪😪

松本：リーダー！

大野：嗯！？講到邊？呀，係，翔君換鎖，佢識換有咩出奇？

松本：唔會！我同佢研究過，佢話佢無呢方面嘅天份，就好似煮飯咁我識就得，所以佢懶得去學，有需要就搵我或者相葉，實有人幫佢喎

大野：咁…咁就去問吓相葉😴😴😴

相葉：早晨！！我帶咗親子丼，有無人想食？

松本：相葉先生你跟我過嚟

相葉：松潤想食？太好喇！一陣我一定要話俾Nino聽！你等我一陣，我去搵份大嘅俾你…

松本：咪住！放低你盒親子丼，我唔係同你講呢樣……

相葉：誒！你唔鍾意食？咁一係我下次整牛肉蓋飯，我好叻㗎！再唔係就麻婆豆腐…

松本：親乜鬼子丼，牛乜鬼肉蓋飯，你全部都係麻婆豆腐味嘅！

相葉：嗚…松潤你點可以咁話我😭我家Nino都冇咁講過！！！

松本：要知你家Nino本來就鍾意食麻婆豆腐好唔好！

相葉：😭😭😭😭リーダー！松潤好過份！嗚…

大野：發…發生咩事？相葉你做咩喊成咁？仲要拎住盒飯？

松本：リーダー你唔係眼瞓嘅咩？頭先同你講講吓都瞓着咗，今次唔關你事，快D繼續去瞓！去！

大野：❓❓❓❓

相葉：嗚…松潤好惡！我要搵我家Nino！！！！！

松本：リーダー，去瞓！相葉，放低你盒飯，有正經嘢問你！

大野：😴😴😴😴

相葉：哦…（放係枱面）我放低咗喇，有咩事？

松本：我家翔君係唔係搵過你幫佢換門鎖？

相葉：翔醬？門鎖？啊！！！！！我諗起喇！Nino叫我一陣去接佢陪佢食早餐！！！我我我我我走先！

松本：相葉雅紀！

二宮（剛進樂屋）：哎呀！笨蛋你走得咁快做乜？撞死我喇！

相葉：！！！！！我！我內急！！！！去廁所！

二宮：頭先我去個時你先話喺屋企去完先出嚟所以唔使，做乜咁突然呀？做咗虧心事呀？

松本：相！葉！雅！紀！你唔解釋清楚唔好諗住可以行出呢個門口半步！

相葉：嘩！！！！！！Nino！！！！！！！！！！！！！！(跑到二宮身後）

二宮：咪住！發生咗咩事？Ｊ你冷靜d先，太激動對身體唔好㗎！相葉，你同我講你做咗d乜搞到Ｊ咁嬲？

松本：你問你家隻相葉！（嬲到坐咗喺到）

二宮：笨蛋！你做過d咩？快d講！

相葉：我……

大野：松潤係想問翔君換咗房門鎖呢件事呀～～

相葉：リーダー！你唔係瞓咗嘅咩？

大野：你地嘈成咁，雖然我講過大野智邊到都瞓得著，但嘈到咁都瞓到嗰個大野智就唔係人咯～

相葉：但大野智都唔係普通人嘛，就好似…

松本：唔準扯開話題！（拍枱）答我，你係唔係幫我家翔君換咗個門鎖！

相葉：Nino你快d答松潤啦，係你話若松潤問起要先搵你……因為……（小聲：鎖匙）

二宮：吓！嗱…即係咁…我呢…我突然覺得好肚餓！笨蛋同我去食早餐！（拉住相葉向門口走）

松本：你咪當我聽唔到！係鎖匙嘛！翔君叫你幫佢換鎖就係為咗換我條後備鎖匙。Nino你唔會無keep低佢條新鎖匙㗎，快Ｄ交出嚟！

二宮：笨蛋！作死你呀！做乜鬼咁大聲，而家Ｊ咩都知到哂喇！

二宮：Ｊ，我哋作為專業嘅竹馬換鎖公司，總要為客戶留有保險，所以我哋的確係有條後備鎖匙嘅…………

松本：係咁就交出來！（伸手）

二宮：唔得～呢個係客戶的私人物品，點可以話俾就俾？一定要經過翔君嘅同意先得。

相葉：嗯嗯！Nino講得岩！要問過翔醬先！

松本：佢諗住俾我就唔會換咗鎖之後收埋條後備匙啦！平常由得佢都無問題，但若果激親佢，條後備時係要黎救命用㗎！Nino我知凡事都有個價嘅，你開嚟聽下！

二宮：夠爽快！不愧為J！嗱，即係咁，一條就二千，兩條就……

松本：一條就夠啦，若果我開到，翔君肯定會叫相葉再換。

二宮：咪心急住，我係話第一條就二千，第二絛就四千，然後……

大野：乜貴咗嘅？

二宮：當然！每換一次，我家相葉被發現嘅機會就高d，我哋俾鎖匙你呢件事被揭發嘅機會就越大，價梗係會高d啦

松本：你仲打算幫我家翔君換鎖！！！！係咁換落去，我仲邊有錢去養佢？唔得！我要禁止你哋幫佢換，就算要換，都係我去換！

大野：但係如果翔君肯俾你換又做咩要搵相葉幫？松潤你都係諗過其他方法啦

二宮：Ｊ，リーダー講得好岩㗎，你嘅錢我唔係一定要賺，始終你都係我最寵嘅弟弟。但我都要保障相葉，盡量減低佢被發現後有機會被翔君大罵嘅風險，所以你都要明白我嘅苦心。而且，長此落去，治標不治本㗎，翔君要換鎖唔俾你入房總有原因嘅，係咪你經常欲求不滿呀？

松本：我！我幾時有欲求不滿…（越講越細聲加臉紅）而且佢最近咁忙我更加唔敢…我只不過是最近同Toma佢哋出去飲酒飲夜咗小小之嘛…點知翔君佢就鎖門唔俾我入房，我有做錯咩😥？

櫻井：你都知你自己夜呢咩？嘅然你覺得唔使有人陪你瞓，你咪自己一個瞓客房囉，反正有無我喺到都一樣嘅。既然你覺得你無錯，咁我錯囉，我唔應該自以為是覺得你要我陪。呀！唔係，係我唔應該麻煩貴人事忙嘅松本先生應酬我，你平常夜晚「工作」到咁夜我都仲覇佔住你d時間真係唔好意思咯。

松本：翔君！你！你係幾時入咗來㗎！

櫻井：你睇下，你忙到連我入咗嚟你都唔知，証明我喺你心目中係幾咁可有可無…，Nino你可唔可以幫我搵一搵呢邊有咩吉屋？

大野：翔君要搵屋？咁岩我住果邊樓上有，你要唔要一陣跟我返去睇？

二宮：リーダー！翔君你冷靜一下先，Ｊ點可能唔重視你呢？只係佢太怕寂寞喇，你近排咁忙佢咪只有搵Toma同栗子佢哋囉，佢係怕你太辛苦咋！

相葉：係囉係囉……

二宮：而且以我哋今時今日嘅知名度要搵間合適嘅屋唔易㗎，不如黎我同相葉間客房住一排先啦，諗清楚先再算好唔好？

大野：我都可以！我有客房！翔君要唔要來我度住？我果邊好清靜，而且放假我哋可以去釣魚喔～～

櫻井：哼，講到自己咩錯都冇咁，你每次飲完都會成塊貼身藥膏咁，點推都推唔開，之後又會亂咁摸，仲要成晚壓住我瞓，我第二朝起身一樣都係周身骨痛！所以我決定搬去尼桑到住，到我睇岩就搬，至於Nino，我都係唔阻住你同相葉醬二人世界，所以我唔去你哋度喇

二宮：翔君，說話就唔係咁講嘅，去リーダー到有咩好？佢一日就係瞓同釣魚，嚟我哋到起碼有我陪你打機，有相葉陪你買衫同講笑話你聽

二宮：（小聲：リーダー你係咪要同我爭生意呀？）

相葉：好呀！翔君過黎的話Nino唔理我個時都有人陪我，翔君你就過嚟啦！

二宮：（小聲：J，翔君嚟我哋嗰邊有你著數㗎，最起碼有人開門俾你，只要你俾開門費或者加錢配條後備鎖匙，好過リーダー瞓著咗唔開門俾你係唔係？）

櫻井：你哋兩個喺到細細聲講d咩？（指住松本和二宮）Nino你唔好以為我唔知你諗緊咩，到我真係搬咗去你度，你肯定又諗住收佢錢放佢入屋之類，我識你咁耐我會唔知？相葉醬，尼桑果度同你哋屋企好近姐，如果你悶就嚟搵我囉。（小聲：我喺到你就冇得同成日同Nino痴埋一齊，仲要應該禁欲添，我搬走最起碼都一至二個月之後既事，所以…你真係想我去？）

相葉：呀！Nino你唔會要我禁欲㗎吓嘛？我唔要翔君嚟到之後影響到我哋兩個呀！我唔要！

二宮：笨蛋你喊乜鬼啫，咪嘈！再嘈你今晚同我即刻同我執包伏返千葉！

相葉：嗚！！！！！！我唔要返千葉！！！！我唔要冇得同Nino親親熱熱！！！！我要抱抱！！！！（走過去向リーダー哭訴）

大野：乖乖，相葉你都係返去千葉住一排先，咁樣可能會好d…

相葉：リーダー～連你都咁對我😭😭我就唔可以同翔醬一樣搬去你到住咩？😭😭😭

大野：呀？你都過埋嚟？咁你咪會纏住翔君囉，陣間翔君掛住陪你玩唔肯去釣魚點算？唔制！Nino你唔好趕佢過嚟呀！我唔要！

相葉：鳴呀！（哭）

二宮：你兩個……………………！

松本：翔君你聽我講，我飲醉咗都會咁做都係証明咗我太愛你啫，無時無刻都掛住你，即使神智不清都想攬住你。我知我成日徹夜未歸係我唔岩，但你除咗工作外仲排滿哂同朋友嘅約會，咪一樣成日留我喺間屋到。我就係唔想自己一個胡思亂想先搵Toma出去飲嘢。既然你肯講心事不如我哋返去慢慢傾啦，無謂打擾到佢哋，你睇搞到佢哋一個二個都喊哂咁有咩謂呢係咪？

櫻井：我成日同朋友出去係邊個搞出來？係邊個話想要自己嘅私人空間？又係邊個話就算係埋一齊都好，你想出去就要俾你出去？點解你可以有私人空間而我就唔可以？

大野：翔君乖…尼桑抱抱。松潤你又係，飲酒就唔好飲咁多嘛，一係咁，翔君就跟我返去住住先，如果佢ok你哋就搵個時間慢慢傾

松本：（怒視）リーダー你就咪再火上加油喇！

大野：我……（閉嘴）

松本：我無話過你唔可以有私人空間，當時提出呢個建議就係因為我哋成日都一齊唔捨得離開對方，但我哋兩個嘅朋友圈本來就好唔同，加上你本身咁忙，見你要花時間見我d朋友搞到咁攰我都好心痛。而且你同你班朋友嘅話題我又插針都插唔入，所以先提議維持返私人空間，咁多年嚟一直都無事，我以為你明㗎喎。但近排你忙到連休息嘅時間都唔剩幾多嘅時候仲要係咁出去聚會，掉返轉你有無考慮我一個獨守空房嘅痛苦😭明明幾經辛苦終於抱得美人歸，但只有日日對住電視機入面嘅你，我有幾無奈你又知唔知？何況每次你返黎無耐就話要瞓，因為第二日開早，我每晚就只見得你唔夠半個鐘，而且乜都唔做得，我先乾脆走去搵Toma佢哋飲嘢……你估我好想咩？😣

二宮：我要出去行吓…我頂唔順！

相葉：Nino！！！！！！！！(跟走）

大野：我…我去搵個哋方瞓

櫻井：……

松本：翔君（抱住）……你就原諒我啦……我咁做無非都係想要自我安慰啫……

櫻井：你放手！（臉紅）搞到佢哋全部人都避席你話幾肉酸呢！

松本：佢哋點諗我唔在乎，只要你唔好再嬲我就好。（蹭頭髮）好啦～翔君～你就原諒我啦～我知道錯啦～～

櫻井：你就識講你會心痛，你演唱會企劃成日上到大清早又點計？你咪又係唔肯返嚟休息？中間有Break都可以忙到飯都無得食，搞到要係台上食蕉。我話極你都唔理我，當時你又有顧過我感受咩？嗰排奧運我自己都忙到七彩，仲要擔心埋你，當時我幾慘你又有心痛過咩？哼！

松本：係係係！係我錯！但係呢樣係工作呀…你教我㗎嘛，工作一定唔可以求其，所以我先…我邊有唔心痛你啫～～我有話送你返屋企休息㗎…但係你唔肯之嘛👉👈，再講，我有休息㗎…

櫻井：我係話你無諗過我會擔心你，會心痛你呀，每次見你咁辛苦又咩都幫你唔到，我嗰種無力感你又有體諒過咩？哼！

松本：原來翔君係咁擔心我嘅…你點會幫唔到我呢？就係因為你喺我身邊，所以我先會咁努力，如果我唔努力，我點保護你！

櫻井：你睇你幾無良心丫！淨係識得投訴我令你心痛，但對自己會令我心痛嘅事又毫無半點自覺。再者，我都係一個立派嘅成年男人，我先唔使你保護我，我識照顧自己，你顧掂自己先啦，成日都病！😣

松本：係係係！我無良心，我唔岩！不過你都唔好咁博，你上次病都病咗成個月，見到你咁攰，我心痛死喇！至於我病都係因為太掛住你咋！只要你每日陪我多d我就唔洗食藥㗎啦！

櫻井：肉麻死！咁你仲嫌唔嫌我唔陪你而早瞓丫？到時我辛苦到病咗，心痛嗰個唔知會係邊個呢？不過可能係我諗多左，可能只有迷妹會心痛呢…………

大野/相葉：仲有我（舉手）

二宮：（舉手）

松本：！！！你哋三個！！！！唔係出咗去咩！！？？？點解會喺度㗎！！！！？？？

二宮：其實……呀！係リーダー話肚餓，要返嚟食嘢喎，所以咪走返轉頭囉

大野：我邊有……（被瞪閉嘴）

相葉：唉！リーダー你有話肚餓咩？

二宮：相葉雅紀！你唔出聲冇人話你啞㗎！

相葉：唉！！！！我又講錯咗d咩😱😱😱

櫻井：噗～～哈哈哈！哈哈哈哈哈！

相葉：翔醬😭Nino好惡呀！！！

櫻井：哈哈！唔得，你唔好引我講嘢住，好搞笑，你哋…………哈哈哈！我笑到肚痛！哈哈哈！等一陣…………

松本：你哋幾個根本一直都喺外面係咪！

二宮：都係你兩個，搞到咁快暴露咗添！^^”仲以為可以睇到翔君個怕醜樣㗎嘛，你知幾難得㗎啦！

松本：哼！使乜講，呢d樣係我先有資格見㗎咋！（得戚）

二宮：（小聲）不過我覺得其實佢而家係以笑遮醜囉，我講得岩唔岩？（偷笑）

大野：嗯，翔君笑起來真帥呀（痴漢臉）

二宮：喂！リーダー，你唔好九唔搭八！我問緊嘢呀！

相葉：翔醬翔醬！我整咗親子丼呀，你食唔食呀？

二宮：你兩個！！！！

櫻井：哈哈……都好喎，笑到攰攰哋，食d嘢先開工都好，リーダー你要唔要呀？

大野：唔～講開都有d餓，可以試吓～

二宮：（拉走松本）嗱，老老實實，頭先唔係我哋你都無咁快氹得掂你家翔君啦，我哋無功都有勞掛，而且頭先被你哋閃咗咁耐對眼都有d痛，我諗可能都要睇吓醫生呢，所以………………

松本：咁至多下次你生日我送多件衫俾你，買多盒遊戲俾你。

二宮：咁就算喇？咁相葉個份呢？リーダー個份呢？

松本：佢兩個無！佢哋唔嚟搞亂我已經謝天謝哋，而且佢哋岩岩仲不停咁叫我家翔君陪佢哋，唔俾！點都唔俾！

二宮：呀！咁都唔駛等到下次生日吧……岩岩先過咗咋喎…………

松本：再講連你個份都無呀！

二宮：…………

相葉：翔醬好唔好食？我聽日煮牛肉蓋飯俾你好唔好？

大野：翔君，你幾時同我去釣魚？我最近釣魚技術好咗好多，可以請你食全魚餐

櫻井：相葉先生你有無快咗d呀？我岩岩先幫大家分好份，都未放入口，陣間再答你。嗱！リーダー呢份你嘅，小潤接住，Nino你嗰份喺前面自已攞啦！

大野：謝謝翔君！

松本：（接過）真係要食？

櫻井／大野／相葉：せ－の－いただきます

櫻井／相葉：呀！

松本：果然！

相葉：點解會咁㗎？我明明無放豆腐㗎！

松本：都話咗會有麻婆豆腐味㗎啦！

二宮：所以你見我無攞啦，佢嘅實驗品我先唔試呀！

大野：唔……好味

櫻井／二宮／相葉／松本：誒……？

相葉：好！！！！好感動！！！！我決定啦！既然リーダー咁鍾意食，我聽日就煮麻婆豆腐！

櫻井／松本／二宮：呀！

二宮：翔桑你聽日得唔得閒呀？不如我哋出去食咯

松本：咁岩呀？我知有間餐廳okay㗎，可以一齊去喎～

二宮：好呀～不過免得我一個做電燈膽唔係幾好，我叫埋Toma啦，佢咁怕寂寞肯定即刻答應……

相葉：翔醬！松潤！Nino！你哋做咩呀？我仲諗住做夠五份㗎喎……翔醬！松潤！Nino…！你哋去邊呀？

大野：好味……誒？做乜放哂係到？你哋都唔食咩？咁我食埋佢㗎喇！（抬頭無人）喂！你哋去哂邊呀？做乜掉低咗我一個㗎？搵人應吓我啦！喂………………

END

＊＊＊＊＊＊＊＊＊＊＊＊＊

【靈感來源】: 某天6月19日NZ主播被學長調戲
櫻：松本要踢垃圾桶發洩，或想辦法取學長頭髮下咒
哥：然後夜晚還可以撒嬌要求主播表演同樣表情
櫻：或者抱住瞓
哥：松本每晚都可以擁著櫻井睡
櫻：但松本可是交際能手
哥：這樣會被櫻井趕去客房瞓，因為夜歸的話主播鎖房門🙈
櫻：配定條後備就好🤣
哥：櫻井會趁他不在換鎖